Depay "Atletiko"dan ayrıldı

"Atletiko Madrid"in hücumçusu Memfis Depay klubdan ayrıldığını açıqlayıb.

90deqiqe.Az-ın məlumatına görə, 30 yaşlı futbolçu “matrasçılar”la vidalaşıb. 

“İndi danışmaq mənim üçün asan deyil, çünki hiss edirəm ki, hər şey başqa cür ola bilərdi. Kluba, komanda yoldaşlarıma, heyətə və xüsusən də azarkeşlərə təşəkkür etmək istəyirəm. "Atletiko"nun oyunçusu kimi çox böyük dəstək hiss etdim. Bu xatirələri həmişə ürəyimdə saxlayacağam. Hər şey üçün təşəkkür edirəm”

Madrid klubu onun başa çatan müqaviləsi yenilənməyəcək.

Memfis Depay "Barselona"dan ayrıldıqdan sonra 2023-cü ilin yanvarından Madrid komandasında oynayır. Forvard Dieqo Simeonenin komandasında 40 matçda 13 qol vurub və 2 məhsuldar ötürmə edib.