Mbappenin "Real"a keçidi rəsmiləşdi

PSJ-dən ayrılan hücumçu Kilian Mbappenin "Real Madrid"ə keçidi rəsmiləşib.

90deqiqe.Az-ın məlumatına görə, bu barədə Madrid klubunun rəsmi saytı məlumat yayıb. 

Fransalı forvardın "Real"la müqaviləsi 2029-cu ilə qədərdir.

Xatırladaq ki, 25 yaşlı hücumçu 2018-ci ilin yayında “Monako”dan PSJ-yə keçmişdi. Bu müddət ərzində o, bütün turnirlərdə 306 matçda iştirak edib, 255 qol vurub, 108 məhsuldar ötürmə edib.

Ötən mövsüm Kilian Mbappe PSJ-nin heyətində 48 oyun keçirib, 44 qol vurub və 10 məhsuldar ötürmə edib. Nüfuzlu “Transfermarkt” internet portalı fransalı forvardın bazar dəyərini 180 milyon avro olaraq qiymətləndirir.