- İspaniya L.L.
- 23:46 29.06.2026
La Liqa prezidenti Xavyer Tebas daha əvvəl PSJ-də çıxış etmiş "Real Madrid"in yeni hücumçusu Kilian Mbappenin maaşı haqda danışıb.
90deqiqe.Az "Marca"ya istinadən xəbər verir ki, o, futbolçunun maaşının "Real Madrid"də o qədər çox olmayacağını qeyd edib.
“Deyə bilərəm ki, onun PSJ-də maaşı şişirdilib, bazardan kənara çıxıb. Əminəm ki, onun" Real Madrid"dəki maaşı bazar limitləri daxilində olacaq. Bununla belə, onun nə qədər pul qazanacağını bilmirəm”.
Xatırladaq ki, iyunun 3-də Mbappe rəsmi olaraq "Real Madrid"in futbolçusu olub. Bundan sonra mətbuatda fransalı hücumçunun maaşının ildə 30 milyon avro və vurulan qollara görə bonus olacağı barədə məlumatlar yayılıb. Mbappenin müqaviləsinə 1 milyard avroluq təzminat da daxildir.
