Morata "Qızıl top"a onu layiq görür

"Atletiko Madrid"in və İspaniya yığmasının hücumçusu Alvaro Morata həmyerlilərindən hansının "Qızıl top"u qazanmağa qadir olması ilə bağlı fikirlərini bölüşüb.

90deqiqe.Az xəbər verir ki, 31 yaşlı forvard "Barselona"da çıxış edən həmyerlisi Pedrinin "Qızıl top"u qazanmağa qadir olduğunu bildirib.

“Pedri? O, bizim ən yaxşı oyunçularımızdan biridir.O, "Qızıl top"u qazanmağa qadirdir" 

21 yaşlı Pedri 2020-ci ildən "Barselona"nın rənglərini qoruyur. Ötən mövsüm yarımmüdafiəçi bütün turnirlərdə 34 oyun keçirib, 4 qol vurub və 5 məhsuldar ötürmə edib. AVRO-2024-də İspaniya millisi B qrupunda İtaliya, Albaniya və Xorvatiya ilə mübarizə aparacaq. Avropa çempionatı iyunun 14-dən iyulun 14-dək Almaniyada keçiriləcək.