"Atletiko" ukraynalı futbolçu ilə razılığa gəldi

 "Jirona"nın hücumçusu Artem Dovbik karyerasını "Atletiko Madrid"də davam etdirəcək.

90deqiqe.Az "Relevo"ya istinadən xəbər verir ki, Madrid klubu ukraynalı futbolçunun keçidi ilə bağlı razılığa gəlib.

26 yaşlı futbolçunun transferi La Liqa klubuna 40 milyon avroya başa gələcək.  Futbolçunun özü də karyerasını Madrid klubunda davam etdirmək istəyir.

Xatırladaq ki, ötən mövsüm Dovbik bütün turnirlərdə 41 matçda iştirak edib, 25 qol vurub, 10 məhsuldar ötürmə edib. Futbolçunun klubla hazırkı əmək müqaviləsi 2028-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 35 milyon avrodur.