Tarixin ən yaxşı futbolçusu odur - İnyestaya görə

İspaniya millisinin və "Barselona"nın sabiq yarımmüdafiəçisi Andres İnyesta kimləri futbol tarixinin ən yaxşı oyunçusu hesab etdiyini açıqlayıb.

90deqiqe.Az xəbər verir ki, 40 yaşlı futbolçu "Infosfcb"-a açıqlamasında belə deyib:

“Tarixin ən yaxşı futbolçusu kimdir? Bu, Lionel Messidir. Düşünürəm ki, o, futbol tarixinin ən yaxşısıdır.”

Messi ötən yaydan MLS-də Amerikanın “İnter Mayami” klubunda çıxış edir. 36 yaşlı argentinalı hücumçunun müqaviləsi 2025-ci ilin sonuna kimi nəzərdə tutulub. Bu komandanın tərkibində Lionel 29 oyun keçirib, 25 qol vurub, 16 məhsuldar ötürmə edib. Argentinalı səkkiz dəfə “Qızıl top”un sahibidir.