Messi karyerasını bu komandada bitirmək istəyir

"İnter Mayami"nin hücumçusu Lionel Messi karyerasını hansı klubda başa vuracağını açıqlayıb.

90deqiqe.Az bu barədə “ESPN” nəşrinə istinadən xəbər verir.

“Bəli, "İnter Mayami" mənim son klubum olacaq. Bu həqiqətdir. Məşqlərdə və matçlarda əylənirəm. Bütün həyatım boyu bu işlə məşğul olmuşam. Özümü futbolu buraxmağa hazır hiss etmirəm. Hər şeyin bir gün bitəcəyi qorxusu həmişə mənimlədir"”

36 yaşlı Messi 2023-cü ilin yayında azad agent kimi Amerika klubuna keçib. Argentinalı PSJ ilə müqaviləsini yeniləməyib və "İnter Mayami"yə keçib. Hücumçu bu mövsüm komandanın heyətində bütün yarışlarda 15 oyun keçirib, 14 qol vurub və 11 məhsuldar ötürmə edib.