- İspaniya L.L.
- 23:54 08.07.2026
Xorvatiyalı yarımmüdafiəçi Luka Modriçin növbəti mövsümdə "Real Madrid"də qalacağı şərtlər bəlli olub.
90deqiqe.Az-ın “Ok Diario”ya istinadən məlumatına görə, 38 yaşlı yarımmüdafiəçi müqaviləsini bir il müddətinə uzatmaq üçün maaşını iki dəfə azaldıb. Beləliklə, Modriç növbəti mövsümdə təxminən beş milyon avro qazanacaq.
Luka 2012-ci ildən "kral" klubunun rənglərini qoruyur. Ötən mövsüm yarımmüdafiəçi 46 matçda iştirak edib, 2 qol vurub, 8 məhsuldar ötürmə edib. Xorvatiyalının bazar dəyəri 8 milyon avro qiymətləndirilir.
