Falkao ölkəsinə qayıdır

Kolumbiyalı məşhur hücumçu Radamel Falkao karyerasını vətənində davam etdirə bilər.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) məlumat verib.

O "Millionarios" klubunun 38 yaşlı futbolçunun xidmətində maraqlı olduğunu və Falkaonun özü də Avropada qalmaq istəmədiyi üçün Kolumbiyada çıxış etməyə müsbət baxdığını qeyd edib.

Hazırda futbolçu ilə klub arasında danışıqlar aktiv mərhələdədir.

Radamel Falkaonun son klubu İspaniyanın "Rayo Valyekano" klubu olub və o, ötən mövsüm 26 oyuna çıxıb, 4 qol vurub və 1 məhsuldar ötürmə edib. Kolumbiyalının transfer qiyməti 800 min avro qiymətləndirilir.