"Barselona"nın yeni kapitanı müəyyənləşdi

Yarımmüdafiəçi Serxi Robertonun komandadan ayrılacağı təqdirdə "Barselona"nın yeni kapitanı kimin olacağı məlum olub.

90deqiqe.Az-ın “Diario Sport”a istinadən məlumatına görə, "Barselona" və 32 yaşlı Roberto əmək müqaviləsinin uzadılması ilə bağlı razılığa gələ bilməsələr, o zaman qapıçı Mark-Andre ter Ştegen komandanın yeni kapitanı, onun müavinləri isə müdafiəçi Ronald Arauxo və yarımmüdafiəçi Frenkie de Yonq olacaq. 

Roberto "Barselona"nın yetirməsidir.O, bütün karyerasını Kataloniya yığmasında keçirib. İspan futbolçunun klubla hazırkı əmək müqaviləsi bu il iyunun sonunda başa çatır. Ötən mövsümün sonunda "Barselona" La Liqa turnir cədvəlində ikinci yeri tutmuşdu.