6 həftə "Barselona"ya kömək edə bilməyəcək

Uruqvay millisinin və "Barselona"nın mərkəz müdafiəçisi Ronald Arauxo yaxın vaxtlarda meydana çıxa bilməyəcək.

90deqiqe.Az xəbər verir ki, uruqvaylı əlavə müayinələrdən keçəcək, onun hazırda ən azı altı həftə yaşıl meydanları buraxacağı gözlənilir. Beləliklə, 25 yaşlı mərkəz müdafiəçisi blauqrananın mövsümöncəsi məşqində iştirak edə bilməyəcək. Ronald Arauxonun yalnız sentyabrda beynəlxalq fasilədən sonra meydana qayıda biləcək.

"Barselona" futbolçunun sağlamlığını riskə atmayacaq.

Futbolçu Amerika Kubokunun 1/4 final mərhələsinin Braziliya ilə oyunun ilk yarısında zədələndiyi üçün əvəzlənib.