Alkantara futbola qayıdır - məşqçi kimi

"Barselona"nın yetirməsi Tiaqo Alkantara kluba qayıdacaq.

90deqiqe.Az "Diario Sport"a istinadən xəbər verir ki, ispaniyalı sabiq futbolçu "Barselona" ilə yenidən məşqçi kimi qayıtmaq üçün razılaşıb. Onun Hans-Diter Flikin məşqçilər korpusuna qoşulacağı bildirilir.

Bir gün əvvəl 33 yaşlı yarımmüdafiəçi futboldan getdiyini açıqlamışdı.

Xatırladaq ki, Alkantara yalnız 2011-2013-cü illərdə “Barselona”nın əsas komandasında çıxış edib, sonra “Bavariya” (2013-2020) və “Liverpul”da (2020-2024) çıxış edib. Mavi qranatlar İspaniya çempionatının son buraxılışını ikinci yerdə başa vurdular. Yeni mövsüm avqustun ortalarında başlayır.