Di Mariya Messi və Ronaldonu müqayisə etdi

Argentinalı futbolçu Anxel Di Mariya keçmiş komanda yoldaşı Kriştiano Ronaldo ilə həmyerlisi Lionel Messini müqayisə edib.

90deqiqe.Az onun dediklərini belə çatdırıb.

"Hər iki forvard yalnız qələbələr haqqında düşünür, lakin sonda ən çox “qızıl top”a sahib olan ən yaxşı olur və Messinin səkkizi var, ona görə də onların arasında müəyyən fərq var. Onlar uzun illərdir ki, futbol elitasının bir hissəsidirlər və hazırda ABŞ və Səudiyyə Ərəbistanında oynasalar da, onlar haqqında bütün dünyada danışılır. Aralarındakı rəqabət La Liqanın böyüməsinə imkan verdi və hər kəsi futbola aşiq etdi”

Qeyd edək ki, argentinalı futbolçu "Real"da çıxış edərkən portuqaliyalı ulduz Kriştiano Ronaldo ilə birgə çıxış edib. Di Mariya həmyerlisi Messi ilə isə PSJ-də bir top qovub.