"Real" Modriçlə müqaviləni uzadıb

Yarımmüdafiəçi Luka Modriç "Real Madrid"də oynamağa davam edəcək.

90deqiqe.Az xəbər verir ki, bu barədə Madrid klubunun rəsmi saytı məlumat yayıb.

38 yaşlı Modriçin yeni müqaviləsi 2024/2025 mövsümünün sonuna qədər nəzərdə tutulub.

Modriç 2012-ci ilin yayında “Tottenhem”dən transfer olunduqdan sonra “Real Madrid”də çıxış edir. On iki mövsümdə Luka altı Çempionlar Liqası kuboku da daxil olmaqla 26 titul qazandı. 2018-ci ildə Modriç “Qızıl top”u qazanıb. Ümumilikdə Luka Modriç "Real Madrid"in heyətində 534 rəsmi oyun keçirib, bu oyunda 39 qol vurub və tərəfdaşlarına 86 məhsuldar ötürmə edib.