Mbappe "Real"ın prezidenti haqda danışıb

Bu yay "Real Madrid"in sıralarına qoşulan hücumçu Kilian Mbappe "kral" klubunun prezidenti Florentino Peres haqda fikirlərini bölüşüb.

90deqiqe.Az xəbər verir ki, “AS" nəşri fransalı forvardın dediklərini belə çatdırıb:

“Peres mənim həyatımda çox vacib insandır. İlk gündən mənə və ailəmə kömək etdi. Bu mənim qəlbimdə əbədi qalacaq. Onu xoşbəxt etmək üçün hər şeyi edəcəm. Bu, dünyanın ən yaxşı prezidentidir”

İyulun 16-da Mbappenin təqdimatı Santiago Bernabeu stadionunda baş tutub. Kylian Madrid nəhəngi ilə 5 illik əmək müqaviləsi imzalayıb. Ulduz forvard Los Blancos üçün 9 nömrəli forma geyinəcək.