"Real Madrid", Mbappe transferindən sonra bir neçə gənc futbolçunu satmağa hazırlaşır?

"Real Madrid" klubu, hücumçu Kylian Mbappe'nin transferi üçün xərclədiyi pulu geri qaytarmaq məqsədilə bir neçə gənc futbolçusunu satmağı planlaşdırır.

90deqiqe.Az xəbər verir ki, bu barədə Mundo Deportivo məlumat yayıb.

Məlumata görə, "Kral Klubu" 20 yaşlı müdafiəçi Mario Martin, 19 yaşlı hücumameyilli  yarımmüdafiəçi Niko Paz və 19 yaşlı hücumçu Alvaro Rodriguezi satmağa hazırdır.

Qeyd edilir ki, bu futbolçuların mümkün satışında klub geri alma opsionunu təmin edəcək.

Qeyd edək ki, Kylian Mbappe iyunun 3-də rəsmi olaraq Real Madridin futbolçusu oldu. İyulun 16-da isə o, "Kral Klubu"nun oyunçusu kimi təqdim edildi. Əvvəllər mediada fransız hücumçunun illik 30 milyon avro məvacib və hər qol üçün əlavə bonuslar alacağı bildirilmişdi. Mbappe'nin müqaviləsində 1 milyard avroluq sərbəst qalma maddəsi də mövcuddur.