17 yaşlı Yamal "Qızıl top"a namizəd olub

"Barselona"nın və İspaniya millisinin vingeri Lamin Yamal "Qızıl top"a namizədlər arasında olub.

90deqiqe.Az "France Football"un mətbuat xidmətinə istinadən xəbər verir ki, 17 yaşlı futbolçu nüfuzlu fərdi mükafata 30 namizəd arasında yer alıb.

Vunderkind uşaq "Barselona"nın əsas komandasında ilk mövsümünü uğurla keçirib və yayda İspaniya millisinin heyətində Avropa çempionatının qalibi olub. Bundan əlavə, Yamal son La Liqa və Avro 2024-ün ən yaxşı gənc oyunçusu adına layiq görülüb. “Qızıl top”un təqdimetmə mərasimi bu il oktyabrın sonunda baş tutacaq. Sonuncu dəfə mükafat Lionel Messiyə verilib.