Fati "Jirona"ya qarşı oynaya bilər

"Barselona"nın cinah oyunçusu Ansu Fati "Jirona" ilə qarşıdakı matçda meydana çıxa bilər.

90deqiqe.Az xəbər verir ki, bu barədə Mundo Deportivo məlumat yayıb.

Mənbənin məlumatına görə, “Blauqrana”nın baş məşqçisi Hans-Diter Flik 21 yaşlı futbolçunun qarşıdakı derbiyə hazır olmasını gözləyir.

Fatinin sağalmanın son mərhələsində olduğu dəqiqləşib.

Xatırladaq ki, cinah yarımmüdafiəçisi ötən mövsümü icarə əsasında “Brayton”da keçirsə də, ötən yay “Barselona”ya qayıdıb. Futbolçu hələ kataloniyalılarla meydana çıxmayıb. İspaniya çempionatının 5-ci turunun "Jirona" - "Barselona" görüşü sentyabrın 15-də baş tutacaq.