Ançelotti Karvaxala istirahət verə bilər

"Real Madrid"in baş məşqçisi Karlo Ançelotti "Real Sosyedad"la İspaniya çempionatının növbəti oyununda cinah müdafiəçisi Daniel Karvaxala istirahət verə bilər.

90deqiqe.Az-ın "Sport.es"ə istinadən məlumatına görə,  Karvaxal İspaniya millisinin heyətində Millətlər Liqasının iki oyununda əvəzedicisiz oynadığı və bu mövsüm "Real"ın heyətində bütün oyunlarda iştirak etdiyi üçün italiyalı mütəxəssis ispan futbolçuya bir az istirahət verə bilər.

Qeyd edək ki, Ançelotti Karvaxala istirahət vermək istəyir ki, müdafiəçi Çempionlar Liqasının qrup mərhələsinin “Ştutqart”la ilk oyununa qədər güclənsin. Xatırladaq ki, bu mövsüm Daniel Karvaxal "Los Blankos"un heyətində İspaniya çempionatında dörd görüş keçirib və iki sarı vərəqə alıb.