"Barselona" ispaniyalını geri qaytarmaq istəyir

 "Selta Viqo"nun müdafiəçisi Oskar Minqueza karyerasını "Barselona"da davam etdirə bilər.

90deqiqe.Az-ın "Mundo Deportivo"ya istinadən məlumatına görə, "blauqrana" müdafiə xəttini gücləndirmək üçün 25 yaşlı futbolçu ilə müqavilə imzalamaq istəyir. "Barselona"nın ispan oyunçunu "Selta Viqo"dan 9 milyon avroya geri almaq imkanı var.

Qeyd edək ki, Minqueza 2022-ci ilin yayında Kataloniya komandasını tərk edib.

Xatırladaq ki, Oskar Minqueza bu mövsüm La Liqada 4 matçda "Selta"nın heyətində 2 qol vurub və 3 məhsuldar ötürmə edib. Ötən mövsüm müdafiəçi İspaniya çempionatında 38 matçda iştirak edib və bu oyunda iki qol vurub və iki məhsuldar ötürmə edib.