Dani Olmo "Barselona"ya kömək edə bilməyəcək

İspaniya çempionatının 5-ci turunda "Jirona" ilə oyunda (4:1) zədələnən "Barselona"nın yarımmüdafiəçisi Dani Olmonun son durumu bəlli olub.

90deqiqe.Az klubun mətbuat xidmətinə isitnadən xəbər verir ki, 26 yaşlı futbolçu 4-5 həftə "mavi qranatlar"a kömək edə bilməyəcək.

Olmo Kataloniya derbisində matçın 61-ci dəqiqəsində meydanı tərk etmək məcburiyyətində qalıb.

Bu mövsüm ispaniyalı İspaniya çempionatının üç oyununda iştirak edib və üç qol vura bilib. Cümə axşamı, sentyabrın 19-da “Barselona” Çempionlar Liqasının qrup mərhələsinin ilk turunun “Monako”ya qarşı oyununu keçirəcək.