Bellinqhem "Espanyol"la matçda sarı vərəqədən sonra hakimi söyüb

"Real Madrid"in ingilis yarımmüdafiəçisi Cude Bellinqhem İspaniya çempionatında "Espanyol"la matçda sarı vərəqə aldıqdan sonra hakim Xose Munuero Monteroya söyüş söyüb.

90deqiqe.Az xəbər verir ki, 81-ci dəqiqədə ingilis yarımmüdafiəçi "Espanyol"un futbolçusu Xose Qraguera ilə toqquşaraq sarı vərəqə alıb.

Bellinqhem sarı vərəqə aldıqdan sonra hakimə "Sənin lap ...." ifadəsini deyib.

Qeyd edək ki, baş hakim Montero az sonra dəyişdirilən "Los Blankos"un yarımmüdafiəçisinin iradını eşitməyib.

Xatırladaq ki, “Real Madrid” sonda “Espanyol”a 4:1 hesabı ilə qalib gəlib. Bu mövsüm Cude Bellingham İspaniya çempionatında "Real Madrid"in heyətində iki oyun keçirib və effektli olmayıb.