Ançelotti Mbappeyə istirahət verəcək

"Real Madrid"in ulduz hücumçusu Kilian Mbappe İspaniya çempionatının 7-ci turunda "Alaves"lə matçda ehtiyat oyunçular skamyasında qala bilər.

90deqiqe.Az-ın “Radio Marca”ya istinadən məlumatına görə, "Real Madrid"in baş məşqçisi Karlo Ançelotti 25 yaşlı fransız futbolçuya bir qədər istirahət vermək istəyir, ona görə də Mbappenin "Alaves"lə qarşıdakı oyunda ehtiyat oyunçular skamyasında qalacağı ehtimal edilir.

Qeyd edək ki, fransalını start heyətində yerini gənc braziliyalı hücumçu Endrik əvəzləyici gözlənilir.

Xatırladaq ki, Kilian Mbappe bu mövsüm Madrid komandasının heyətində İspaniya çempionatında 6 oyun keçirib və bu oyunda 4 qol vurub və 1 məhsuldar ötürmə edib.