"Barselona"da Ter Ştegeni o əvəzləyə bilər

"Barselona"ya sıradan çıxam alman qapıçı Mark-Andre ter Ştegeni əvəz edə biləcək bir neçə qapıçı təklif olunub.

90deqiqe.Az-ın “Mundo Deportivo”ya istinadən məlumatına görə, Kataloniya klubuna "Liverpul"un və "Nyukasl"ın sabiq qapıçısı Loris Karius, eləcə də alban Etrit Berişanı transfer etmək təklif olunub. Hər iki qapıçı indi azad agent kimi komandasızdır.

Qeyd edək ki, bundan əvvəl mətbuatda "Real Madrid"in sabiq qapıçısı Keylor Navasın "Barselona"ya keçməyə qarşı olmayacağı ilə bağlı xəbərlər yayılmışdı.

Xatırladaq ki, İspaniya çempionatının “Vilyarreal”la oyununda Mark-Andre ter Ştegen ciddi zədə alıb və bu mövsümün sonuna kimi sıradan çıxıb.