Kamavinqa bu tarixdə meydana qayıdacaq

"Real Madrid"in yarımmüdafiəçisi Eduardo Kamavinqa fərdi məşqlərə başlayıb.

90deqiqe.Az-ın “Marca”ya istinadən məlumatına görə, 21 yaşlı futbolçu milli komandalar üçün oktyabrın ortalarına planlaşdırılan beynəlxalq fasiləyə qədər meydana qayıda biləcək.

Belə olan halda fransalı sentyabrın 29-da La Liqada "Atletiko Madrid"lə derbini buraxacaq.

Oktyabrın əvvəlində “Real” Çempionlar Liqasında səfərdə “Lill”lə, İspaniya çempionatında isə evdə “Vilyarreal”la qarşılaşacaq.

Bu mövsüm fransalı futbolçu zədə səbəbindən hələ ki, heç bir matçda iştirak etməyib. Ötən mövsüm o, Madrid klubunda 46 oyun keçirib və 4 məhsuldar ötürmə edib.