Şesninin "Barselona"ya keçidində kim vacib rol oynayıb?

"Barselona" klubu və polşalı qapıçı Voyçex Şesni arasında aparılan danışıqlarda komandanın futbolçularından hansının əsas rol oynadığı məlum olub.

90deqiqe.Az xəbər verir ki, bu barədə insayder Nikolo Şira  "X" sosial şəbəkəsində (keçmiş Twitter) yazıb. 

O danışıqlarda əsas rolu həmyerlisi ilə mehriban münasibətdə olan “Barselona”nın polşalı hücumçusu Robert Levandovski oynadığını və təcrübəli qolkiperi böyük futbola qayıtmağa və Kataloniya komandası ilə müqavilə imzalamağa inandırdığını qeyd edib.

Qeyd edək ki, Şesninin özü artıq "Barselona" ilə danışıqlar apardığını təsdiqləyib. Xatırladaq ki, Voyçex Şesni bundan əvvəl “Yuventus”, “Arsenal”, “Roma”, “Brentford” və digər klublarda çıxış edib. Bu yay 34 yaşlı qolkiper karyerasını bitirmək qərarına gəldiyini açıqlamışdı.