"Barselona" De Yonqa 18 milyon avronu bu şərtlə ödəməyə hazırdır

"Barselona" yarımmüdafiəçi Frenkie de Yonqa 2025-ci ilin yayında komandanı tərk etməyə razılıq verərsə, ona təxirə salınmış maaş olaraq 18 milyon avro ödəməyə hazırdır.

90deqiqe.Az "Football Transfers"a istinadən xəbər verir ki, hollandiyalı futbolçunun maaş borcu ilə bağlı məsələ nəhayət həll olunarsa, “Barselona”nı tərk etməyə hazırdır.

Vurğulanır ki, De Yonq koronavirus pandemiyası zamanı Blauqrananın maliyyə çətinliklərinin öhdəsindən gəlməyə kömək etmək üçün göstərilən məbləğdən imtina edib.

27 yaşlı yarımmüdafiəçi 2019-cu ildən "Barselona"da çıxış edir. Futbolçunun klubla hazırkı əmək müqaviləsi 2026-cı ilin yayına kimi nəzərdə tutulub.