"Atletiko" azarkeşlərinin az cəza almasını istəyir

“Atletiko Madrid” İspaniya çempionatının 8-ci turunda “Real Madrid”lə qarşılaşmada (1:1) “Los Blankos”un qapıçısı Tibo Kurtuaya tribunadan müxtəlif əşyalar atan azarkeşlərinin davranışına görə cəzanın mümkün yumşaldılmasına ümid edir.

90deqiqe.Az-ın “El Chiringuito”ya istinadən məlumatına görə, “matrasçılar” İspaniya Kral Futbol Federasiyasının nizam-intizam komitəsinə verdikləri izahatda Kurtuanın meydan sahiblərinin azarkeşlərini təxribata çəkdiyini qeyd ediblər. Belçikalı qolkiperin təxribatçı davranışı ilə bağlı anlar videoya çəkilib.

Daha əvvəl məlumat yayılmışdı ki, "Real" La Liqanın Zorakılığa Qarşı Mübarizə Komitəsinə təqdim etdiyi matç hesabatının "Atletiko" azarkeşləri tərəfindən törədilən bütün pozuntuları əks etdirmədiyinə inanır.