"Futbol rəhbərliyi bütün oyunçulara uyğun bir təqvim hazırlamalıdır"

"Real Madrid"in və Fransa millisinin yarımmüdafiəçisi Aurelien Tçuameni futbolçuların təqviminin çox olması problemindən danışıb.

90deqiqe.Az xəbər verir ki, “Sport.es” futbolçunun dediklərini belə çatdırıb:

“Futbolun ən yüksək orqanları bir araya gələrək bizim hamımıza (futbolçulara) uyğun olan təqvim üzərində razılığa gəlməlidir. Bizə birliyin güclənməsi lazımdır. Qarşıda çoxlu matçlar və buna görə də çoxlu zədələr var”

Bu mövsüm Tçuameni effektiv olmadığı bütün turnirlərdə doqquz matçda iştirak edib. Futbolçunun klubla əmək müqaviləsi 2028-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 100 milyon avrodur.