"Mən futbola qayıtmaq istəmirəm" - Kroos

"Real Madrid"in keçmiş yarımmüdafiəçisi Toni Kroos futbolçu karyerasını bərpa etmək fikrində olmadığını etiraf edib.

90deqiqe.Az-ın məlumatına görə, "Madrid Xtra" sabiq alman futbolçunun dediklərini belə çatdırıb.

“Mən "Real Madrid" matçlarını indi fərqli prizmadan izləyirəm, bu bir az qəribə görünür. Amma mən hələ də onları komandanın bir hissəsi kimi görürəm, bundan imtina etmək olmaz.Lakin bu "mən orada oynamaq istəyirəm" demək deyil".

Xatırladaq ki, Kroos on il “Real”da çıxış etsə də, ötən yay futbolçu karyerasını bitirmək qərarına gəlib. Səkkiz turdan sonra Karlo Ançelottinin yetirmələri La Liqada liderdən 3 xal geri qalaraq ikinci pillədə qərarlaşıb.