"Barselona" Şesninin fiziki formasından təəccüblənir

“Barselona”nın bu yaxınlarda rəsmi müqavilə imzalayadığı polşalı qapıçı Voyçex Şesninin fiziki forması rəhbərliyi təəccübləndirib.

90deqiqe.Az-ın “Mundo Deportivo”ya istinadən məlumatına görə,Kataloniya klubunun rəhbərliyi 34 yaşlı qolkiperin belə əla fiziki formada olduğunu gözləmirdi.

"Barselona" yaxın vaxtlarda Şesninin rəsmi oyunda meydana çıxa biləcəyinə inanır. Polşalının "blauqrana"da debütü beynəlxalq fasilədən sonra baş tutacaq.

Xatırladaq ki, Voyçex Şesi son illərdə “Yuventus”da A Seriyasında çıxış edib. Əsas qapıçı Mark-Andre ter Ştegen ciddi zədə aldıqdan sonra "Barselona" polyakla müqavilə bağlamaq məcburiyyətində qalıb.