La Liqanın autsayderi baş məşqçini istefaya göndərib

"Las Palmas"ın baş məşqçisi Luis Migel Karrion istefa verib.

90deqiqe.Az klubun mətbuat xidmətinə istinadən məlumat verir ki, klub rəhbərliyi 45 yaşlı mütəxəssisin istefasını qəbul edib. 

 Karrion ötən yaydan "Las Palmas"ı çalışdırırdı. Məşqçinin “sarılar”la müqaviləsi 2026-cı ilin yayına qədər qüvvədə idi. Bundan əvvəl Luis Migel Karrion "Ovyedo", "Numansiya" və digər klublarda da çalışıb. Doqquz turun nəticələrinə əsasən, 3 xalla "Las Palmas" La Liqa turnir cədvəlində sonuncu, 20-ci yerdədir. Növbəti oyunda Kanar adaları klubu oktyabrın 21-də səfərdə “Valensiya” ilə qarşılaşacaq.