"Siqaret çəkməyim meydanda etdiklərimə heç bir təsiri yoxdur"

"Barselona"nın qapıçısı Voyçex Şesni siqaret vərdişi ilə bağlı açıqlama verib.

90deqiqe.Az-ın “Mundo Deportivo”ya istinadən məlumatına görə, polşalı qolkiper həyatında dəyişmədiyi şeylərin var olduğunu və siqaret vərdişinin futbol meydançasında gördüyü işlərə təsir etmədiyini qeyd edib.

“Meydanda iki dəfə çox işləyirəm.Uşaqlarıma pis nümunə olmamaq üçün onların qarşısında siqaret çəkmirəm, amma ağacların arxasında gizlənən və məni siqaretlə lentə alan insanlar haqqında heç nə edə bilmərəm" 

Xatırladaq ki, polşalı qolkiper bir müddət əvvəl karyerasını “Barselona”da davam etdirmək qərarına gəlib. Şesni Kataloniya komandası ilə müqavilə imzalayıb. Polyak yaxın vaxtlarda "Blauqrana"nın heyətində debüt edəcək.