"Real Madrid"də hər kəs Mbappeni sevir"

"Real Madrid"in yarımmüdafiəçisi Eduardo Kamavinqa həmyerlisi Kilian Mbappenin Madrid klubuna necə uyğunlaşmasından danışıb.

90deqiqe.Az-ın məlumatına görə,  Kamavinqa Madrid klubunda hər kəsin Mbappeni sevdiyini və Kilianın əla ispan dilini bilməsinin onun komandaya uyğunlaşmasını xeyli asanlaşdırdığını qeyd edib.

“Kilian sadə və təvazökar oğlandır. O, "Real Madrid"in soyunub-geyinmə otağına mükəmməl uyğun gəlir. Biz çox şadıq ki, belə böyük futbolçu indi bizim üçün oynayır”

Xatırladaq ki, bu mövsüm 25 yaşlı Kilian Mbappe “kral klubu”nun heyətində İspaniya çempionatında səkkiz oyun keçirib və beş qol vurub və bir məhsuldar ötürmə edib.