"Real"ın ulduzu karyerasını başa vurur?

"Real Madrid"in avstriyalı müdafiəçisi David Alaba zədə səbəbindən karyerasını başa vura bilər.

90deqiqe.Az "Sport.es"ə istinadən xəbər verir ki, 32 yaşlı futbolçu dizindəki çarpaz bağın yırtılmasından sağalsa da, ağır məşqlərə hələ dözə bilməməsi və son məşqdə yenidən sıradan çıxması bu qərarı verməsində böyük rol oynaya bilər.

İspaniya mətbuatında Alabanın normal yeriyərkən belə şiddətli ağrılar keçirdiyi barədə iddia yayılıb.

Xatırladaq ki, David Alaba ötən mövsüm İspaniya çempionatında “Los Blankos”un heyətində 14 oyun keçirib, bu oyunda 1 məhsuldar ötürmə edib, iki sarı vərəqə alıb.