"Əsas qapıçı olmaq üçün mübarizə aparacam”

“Valensiya” klubunun qapıçısı Georgi Mamardaşvili “Liverpul”un start heyətində yer almaq üçün braziliyalı Alisson Bekkerlə döyüşməyə hazır olduğunu açıqlayıb.

90deqiqe.Az-ın məlumatına görə, gürcü qolkiper "Liverpul"un əsas oyunçusu olmağa hazır olduğunu qeyd edib.

"Alisson gələn mövsüm komandada qalsa belə, "Liverpul"un əsas komandasında yer almaq üçün mübarizə aparacam".

Yada salaq ki, Mamardaşvili yayda “Liverpul”la müqavilə imzalayıb, daha sonra icarə əsasında “Valensiya”ya qayıdıb. Bu mövsüm 24 yaşlı gürcü qapıçı İspaniya çempionatında “yarasalar”ın tərkibində doqquz oyun keçirib, bunun üçündə qapını təmiz saxlaya bilib.