"Barselona" Fermin Lopezlə bağlı qərar verib

İspan yarımmüdafiəçi Fermin Lopez "Barselona" ilə müqaviləni uzada bilər.

90deqiqe.Az xəbər verir ki, bu barədə insayder Nikolo Şkria  "X" sosial şəbəkəsində (keçmiş Twitter) yazıb. 

O tərəflərin 2029-cu ilin ortalarına qədər qüvvədə olacaq yeni əmək müqaviləsini müzakirə etdiklərini qeyd edib.

Transfermarkt portalının ekspertləri 21 yaşlı futbolçunun dəyərini 50 milyon avro qiymətləndirirlər. Bu mövsüm Fermin dörd matçda iştirak edib və heç bir qol vurmayıb. Son oyunda "Barselona" "Sevilya"nı 5:1 hesabı ilə darmadağın edib. Hans-Diter Flick-in komandası İspaniya çempionatının turnir cədvəlinə başçılıq etməkdə davam edir.