İnyaki Pena Şesni ilə rəqabətdən danışıb

İspaniyanın “Barselona” klubunun qapıçısı İnyaki Pena bir müddət əvvəl komandasına keçən qapıçı Voyçex Şesni ilə rəqabətdən danışıb.

90deqiqe.Az  “Esport3”ə istinadən xəbər verir ki, 25 yaşlı qolkiper polşalının böyük turnirlərdə çıxış etmiş, böyük təcrübəyə malik qapıçı olduğunu bildirib.

“Düşünürəm ki, o, bizə kömək edəcək. Rəqabətdən danışsaq, 100 faiz məşq edirik, amma qərar məşqçinin özündədir. Şəxsi müstəvidə biz yaxşı anlaşırıq, buna çox şadam”

Xatırladaq ki, Voyçex Şesni “Barselona” ilə müqavilə imzalamaq üçün karyerasını bərpa edib. Təcrübəli polyak alman Mark-Andre ter Ştegenin zədəsi səbəbindən Kataloniya klubuna keçib.