"Onun "Barsa"dakı oyunlarına baxmışam" " - Rafinya

"Barselona"nın yarımmüdafiəçisi Rafinya həmyerlisi Neymarla müqayisə edilməsi ilə bağlı açıqlama verib.

90deqiqe.Az xəbər verir ki, "AS" nəşri 27 yaşlı hücumçunun dediklərini belə çatdırıb.

“Mən özümü başqa oyunçularla müqayisə etməyi sevmirəm. Onların hər biri öz hekayəsini yazıb, mən də öz hekayəmi yazmaq istəyirəm. Neymar karyeramda mənə çox kömək etdi. Bundan əlavə, onun "Barsa"dakı oyunlarına baxmışam. Mən məqsədimə çatmaq niyyətindəyəm. Yalnız çalışmaqla klubun tarixinə daxil olmağa daha da yaxınlaşa bilərəm” 

Rafinya 2022-ci ildən "Barselona"da çıxış edir. Bu müddət ərzində o, çempionluq və İspaniya Superkubokunu qazanıb.