Bu futbolçular "El-Klassiko"nu buraxacaqlar

"Real Madrid"in hücumçusu Rodriqo zədə səbəbindən mövsümün ilk "El Klassiko"nu buraxacaq.

90deqiqe.Az klubun mətbuat xidmətinə istinadən məlumatına görə, braziliyalıya sağ budunun əzələ zədəsi diaqnozu qoyulub. Bu səbəbdən forvard "Barselona" ilə oyunu buraxacaq.

Rodriqonun sağalma müddətinin təxminən 20 günə qədər çəkə biləcəyi qeyd olunub.

“Los Blancos”un qapıçısı Tibo Kurtuanın da "El Klassiko"da oynamayacağı gözlənilir.

23 yaşlı futbolçu oktyabrın 22-də Çempionlar Liqasının ümumi mərhələsinin 3-cü turunun Dortmund "Borussiya"sı ilə ev oyununda (5:2) zədələnib.

"Real Madrid" - "Barselona" matçı oktyabrın 26-da keçiriləcək və Bakı vaxtı ilə saat 23:00-da başlayacaq.