"Bu "Barselona" hər şeyi qazanacaq"

"Barselona"nın sabiq futbolçusu Tyerri Anri İspaniya çempionatının 11-ci turunun matçında Kataloniya komandasının "Real Madrid" üzərində qələbəsindən (4:0) danışıb.

90deqiqe.Az-ın “Mundo Deportivo”ya istinadən məlumatına görə, sabiq fransız futbolçu qeyd edib ki, sanki 2011-ci ildə "Barselona"nı izləyirdi və komanda əvvəlki vəziyyətinə qayıdıb.

“Onu heç kim dayandıra bilməz. O, hər şeyi qazanacaq və ona qarşı çıxan istənilən komanda eyni əziyyəti çəkəcək”

Xatırladaq ki, Robert Levandovski “Mavi Qarnetlər”in heyətində dubl edib, Lamin Yamal və Rafinya da hərəyə bir qol vurub. La Liqa turnir cədvəlinə "Barselona" başçılıq edir.