De Yonq yaşıl meydanlara qayıdır - 6 ay sonra

"Barselona"nın yarımmüdafiəçisi Frenkie de Yonq uzun müddətdən sonra ilk oynuna çıxa bilər.

90deqiqe.Az-ın “Diario Sport"a istinadən məlumatına görə, Hans-Diter Flik La Liqada bazar günü keçiriləcək "Espanyol"la qarşılaşmada yarımmüdafiəçiyə ilk dəqiqələrdən start vermək niyyətindədir. 27 yaşlı oyunçu üçün bu, onun altı aydan çox müddətdə - aprelin 21-dən bəri ilk startı olacaq.

Frenkie de Yonq bu kampaniyada dörd Blauqrana matçında iştirak edib və ümumilikdə təxminən 100 dəqiqə meydanda keçirib. Hollandiyalı futbolçu aprel-sentyabr aylarında topuğundakı zədə səbəbindən meydana çıxmayıb və oktyabrdakı matçlarda o, əvəzedici heyətlə məhdudlaşıb.