“Derbi həmişə çətin olur"

"Barselona"nın baş məşqçisi Hans-Diter Flik "Espanyol"la oyundan (3:1) sonra açıqlama verib.

90deqiqe.Az xəbər verir ki, "Barca Universal" alman çalışdırıcının dediklərini belə çatdırıb.

“Derbi həmişə çətin olur. İlk hissədə əla səviyyə nümayiş etdirdik, lakin fasilədən sonra həmişəkindən fərqli oynadıq. Komanda tez-tez topu itirir - "Espanyol"un qol vura bilməsinin səbəblərindən biri də budur. Bunun üzərində işləməliyik. Futbolçulara bu ikinci hissəni qəbul etməyə hazır olduğumu söylədim, çünki onlar indiyə qədər əla iş görüblər. Ancaq çərşənbə günü biz daha yaxşı çıxış etməliyik”

31-ci dəqiqəyə kimi “mavi qranatlar” rəqib qapısına üç qol vurub – Dani Olmo iki, Rafinya daha bir dəfə fərqlənib.