"Barselona" Kasadonu saxlamaq niyyətindədir

"Barselona"nın yarımmüdafiəçisi Mark Kasado komandasının tərkibində çıxış etməyə davam edəcək.

90deqiqe.Az xəbər verir ki, 21 yaşlı futbolçunun İngiltərə Premyer Liqa klubuna transferi heç müzakirə olunmur. Bu barədə jurnalist Fabrizio Romano"X" sosial şəbəkəsində (keçmiş Twitter) yazıb. 

O Kataloniya klubunun baş məşqçi Hans-Diter Flik və Dekonun ispan yarımmüdafiəçini klubun gələcək layihəsi üçün əsas oyunçu kimi gördüyünü qeyd edib.

Yarımmüdafiəçinin müqaviləsində 100 milyon avroluq sərbəst qalma maddəsinin olduğu bildirilir.

Gənc oyunçu Kataloniya klubunun heyətində on oyuna çıxıb və üç məhsuldar ötürmə ilə yadda qalıb.