Ançelotti karyerasının ən yaxşı iki komandasının adını açıqlayıb

"Real Madrid"in baş məşqçisi Karlo Ançelotti məşqçilik karyerasında hansı komandanı ən yaxşı hesab etdiyini açıqlayıb.

90deqiqe.Az xəbər verir ki, “Marca” qəzeti italyan çalışdırıcının dediklərini belə çatdırıb.

“Bu suala cavab vermək olduqca çətindir. Ən yaxşıları arasında Real və Milanı qeyd edə bilərəm. Bir komandanın adını çəkmək mənim üçün çətindir. Karyeram ərzində bir çox komanda və futbolçularla çalışmışam. Bir nəfəri xüsusi qeyd etmək hörmətsizlik olardı”

Daha əvvəl mətbuatda Ançelottinin evdə baş tutmayan iki matçdan sonra "Real Madrid"in baş məşqçi postundan qovula biləcəyi barədə məlumat yayılmışdı. “Qaymaqlılar” Kataloniya “Barselona”sına (0:4) və “Milan”a (1:3) uduzub.