"Real"ın futbolçuları Militao və Rodriqo zədələnib

"Real Madrid"in cinah oyunçusu Rodriqo Qoes və mərkəz müdafiəçisi Eder Militao İspaniya Primerasının 13-cü turunun bu dəqiqələrdə baş tutan "Osasuna" ilə matçının ilk yarısında zədələndiyi üçün əvəzlənib.

90deqiqe.Az xəbər verir ki, Rodriqo matçın 20-ci dəqiqəsində meydanı tərk edib. Militao 30-cu dəqiqədə əvəzlənib.

Braziliyalı müdafiəçi künc zərbəsi zamanı rəqiblə mübarizə apararkən ayağına pis yerə enməsi nəticəsində zədələnib. Oktyabrın sonunda Rodriqo əzələ zədəsi alıb və buna görə "Real Madrid"in bir neçə matçını buraxıb. Noyabrın 5-də "Milan"la keçirilən Çempionlar Liqasının son oyununda hücumçu 16 dəqiqə meydanda olub.