"Real" "Osasuna"nı darmadağın etdi

İspaniya La Liqasının 2024/2025 mövsümünün 13-cü turunun "Real Madrid" və "Osasuna"nın qarşılaşdığı matç başa çatıb.

90deqiqe.Az xəbər verir ki, "Santyaqo Bernabeu" stadionunda baş tutan matçda meydan sahibləri rəqibini 4:0 hesabı ilə məğlub edib.

34-cü dəqiqədə "Real Madrid"in hücumçusu Vinisius Junior hesabı açıb. Daha sonra Cude Bellinqhem 42-ci dəqiqədə meydan sahiblərinin fərqini artırıb. 61-ci dəqiqədə Vinisius hesabı dağıdıcıya çatdırıb. Vinisius səkkiz dəqiqə sonra het-trik edərək yekun nəticəyə imza atıb.

İlk hissədə Los Blancos-un üç futbolçusu zədələnib - Rodriqo və Eder Militao ilk hissənin ortalarında meydanı tərk edib, fasilədən sonra isə Lukas Vaskes əvəzlənib.

Keçirilən 13 oyundan sonra "Real" 27 xalla La Liqanın turnir cədvəlində ikinci yerdədir. Osasuna da eyni sayda oyundan sonra 21 xal toplayaraq 5-ci yerdədir. Cədvəldə 33 xalla Kataloniya "Barselona"sı başçılıq edir.