Məşhur keçmiş futbolçudan Mbappeyə məsləhət

Məşhur keçmiş futbolçu Robert Pires hücumçu Kilian Mbappenin "Real Madrid"dəki durumundan danışıb.

90deqiqe.Az xəbər verir ki, "Marca" nəşri 51 yaşlı sabiq futbolçunun dediklərini belə çatdırıb.

“Mbappe ən yaxşı formada olmadığı üçün Fransa və İspaniyada tənqidlərlə üzləşir. O, "Real Madrid"in əsas oyunçusu deyil, az qol vurur və çoxlu qol vəziyyətləri yaratmır. "Real Madrid" azarkeşləri Mbappeyə böyük ümid bəsləyirdilər, lakin ölkələri və komandaları dəyişmək asan deyil, xüsusən də söhbət dünyanın ən yaxşı oyunçularının olduğu komandadan gedirsə. Mbappe tənqidi qəbul etməli, üslubunu dəyişməli, ən yaxşı formada olmadığını etiraf etməli və performansını artırmalıdır”

Qeyd edək ki, Kilian Mbappe noyabrda Fransa millisinə çağırılmayıb.