Levandovski "Barselona"da qalacaq

"Barselona"nın rəhbərliyi bu mövsüm başa çatdıqdan sonra təcrübəli hücumçu Robert Levandovski ilə ayrılmamaq qərarına gəliblər.

90deqiqe.Az-ın “Sport.es”ə istinadən məlumatına görə, Kataloniya klubunun rəhbərliyi artıq 36 yaşlı futbolçuya növbəti mövsümdə ümid bəslədiklərini bildiriblər.  Tərəflər arasında danışıqlar başlanılıb.

Qeyd etmək lazımdır ki, bundan əvvəl mətbuatda “mavi qranatlar”ın fəal şəkildə yeni, daha gənc hücumçu axtardığı barədə şayiələr yayılmışdı.

Hazırda ekspertlər polşalının transfer dəyərini 15 milyon avro qiymətləndirirlər. Bu mövsüm təcrübəli Robert Levandovski Kataloniya komandasının tərkibində İspaniya çempionatında 14 oyun keçirib, 15 qol vurub və 2 məhsuldar ötürmə edib.