"Barselona" iki yarımmüdafiəçi ilə müqaviləni uzadacaq

"Barselona"nın yarımmüdafiəçiləri Pedri və Qavi ilə yeni müqavilələr artıq imzalanma mərhələsindədir.

90deqiqe.Az xəbər verir ki, bu barədə jurnalist Fabrizio Romano"X" sosial şəbəkəsində (keçmiş Twitter) yazıb. 

O kataloniyalıların yeni müqavilələr bağlayacaqları növbəti şəxslərin 22 yaşlı Pedri və 20 yaşlı Qavi olacağını qeyd edib.

Bu mövsüm Pedri bütün turnirlər daxil olmaqla 18 matçda iştirak edib, üç qol vurub və iki məhsuldar ötürmə verib. Qavinin cari kampaniyada yeddi oyunu var və heç bir qol vurmayıb. 14 turdan sonra İspaniya çempionatının turnir cədvəlinə 34 xalla "Barselona" başçılıq edir.